Paylaş
Facebook Twitter Google+

Gürcüstanda İmam Həsənin (ə) təvəllüdü möhtəşəm şəkildə keçirildi (Foto-Video)

Muslims in Georgia

2017-06-10 21:13:38 2577 Xəbərlər Ölkə

 

 

Ahlibeyt.ge xəbər verir ki, doqquz iyun Marneuli rayonunda İmam Həsən Müctəbanın (ə) mübarək təvəllüd günü münasibəti və eyni zamanda mübarək ramazan ayı ilə əlaqədar iftar süfrəsi açılaraq tədbir keçirildi.

 

Tədbiri Məşhədi Azər Məmmədov açaraq sözü müqəddəs Qurani-Kərimin tilavəti üçün Quran qarisi Rza Cəfəriyə verdi.

Müqəddəs Qurani-Kərimin tilavətindən sonra İran İslam Respublikasının Gürcüstandakı səlahiyətli nümayəndəsi səfir Doktor Qəvvam Şəhidiyə söz verildi və səfir öz növbəsində mübarək təvəllüd münasibəti ilə tədbir iştirakçılarını təbrik etdi.

Sonra Marneuli şəhərinin gənc məddahı Səid Həsən öz gözəl səsi ilə ilahilər oxudu. Məclisin davamında Al-Mustafa Beynəlxalq Unveristetinin Gürcüstan üzrə nümayəndəliyinin rəhbəri Hacı Davud Zarii çıxış edərək Hz. İmam Həsənın (ə) həyatına qısa nəzər saldı və o həzrətin imamətindən və nəcib ürəy sahibi olduğundan söz açdı.

Tədbirin davamında İran İslam Respublikasının Qum şəhərindən Əhli-beyt (ə) məddahı Hadi Kazimi eləcədə Azərbaycan Respublikasından təşrif gətirmiş Hilal qrupunun rəhbəri Rza İgidoğlu öz gözəl səsləri ilə Peyğəmbər (s) və Əhli-beyt (ə) şəninə yazılmış ilahilər  səsləndirdi.

Qeyd edək ki, tədbir Gürcüstan "Əhli-beyt (ə) cəmiyyəti" və həmin cəmiyyətin nəzdində fəaliyyət göstərən "Əhli-beyt (ə) Aşiqləri Forumu" və "Zeynəb (s.ə) Qadınlar Birliyi"nin birgə təşkilatçılığı ilə təşkil olunub tədbir sonda fərəc duasının oxunması ilə yekunlaşdı.

Təbirin təşkil olunmasında maddi və mənəvi dəstəyi olan hər kəsə təşəkkür edirik.

 

 

Bənzər Olanlar